«Beshıktash» komandasy Baktıer Zaınýtdınovty resmı túrde tanystyrdy

ASTANA. QazAqparat – Túrkııalyq «Beshıktash» komandasy 21 tamyz kúni Qazaqstan quramasynyń jartylaı qorǵaýshysy Baqtıer Zaınýtdınovty resmı túrde tanystyrdy, dep habarlaıdy QazAqparat.

Ystanbul klýby áleýmettik jelilerdegi paraqshalarynda arenaǵa 25 jastaǵy fýtbolshy shyqqan túpnusqa beınerolıkti jarııalady.
Zaınýtdınov fýtbolshylaryn «búrkit» dep ataıtyn «Beshıktashtyń» dástúrli qımylyn kórsetip, túrik tilinde «Árqashan kez kelgen jerde eń úlken búrkit», - dedi.
«Beshıktash» ótinimine sáıkes, Zaınýtdınovtyń kelisimsharty 2027 jylǵy 30 maýsymǵa deıin eseptelgen. Túrik BAQ-tarynyń habarlaýynsha, Ystanbul klýby oıynshynyń aýysýy úshin máskeýlik TsSKA-ǵa 4,5 mln eýro tóledi. Onyń jalaqysy bir maýsymda shamamen 1,2 mln eýrony quraıdy.
Qazaqstandyq fýtbolshy 2020 jyldan beri Máskeýdiń TsSKA klýbynda oınady. Úsh jylda TsSKA úshin 83 match ótkizip, 7 gol soqty.