«Besh» beınebaıanynyń prodıýseri halyqtan keshirim surady
ASTANA. QazAqparat - Qaznette úlken daýǵa ulasqan "Besh" atty beınebaıan týraly atalǵan beınebaıannyń prodıýseri, shoýmen Aleksandr Shýmskıı pikir bildirdi, dep habarlaıdy massaget.kz.
Al beınebaıannyń ózi Youtube vıdeoresýrsynan alynyp tastaldy.
Esterińizge sala ketsek, halyq ártisi Roza Rymbaeva, Nurlan Abdýllın, Big Som, Gýrgen Basentsıan, Álı Oqapov, Aleksandr Shýmskıı, Davıd Orbelıanı, Olga Kýznetsova, Erlan Meıirbekov sııaqty ánshi-oryndaýshylar túsken beıneklıp tóńireginde áleýmettik jeliler men birqatar basylymdarda ulttyq taǵamymyzdy mazaq qyldy delingen kózqaras pikirler kóbeıgen edi. Halyqtyń narazylyǵyna Roza Qýanyshqyzy : «Munda turǵan esh óreskeldik joq. Kerisinshe, rejısserler ulttyq taǵamdy nasıhattaıtyn klıpke túsýge shaqyrǵan soń kelistim» dese, Nurlan Abdýllın: «Bári nasıhat qoı, ulttyq taǵamdy nasıhattaý kerek. Qaı túrin nasıhattaısyń - ol óz erkiń, bul jastarǵa óte kerek zat» degen pikir aıtqan bolatyn.
