Besaryq aýylynyń turǵyndary da óz tańdaýlaryn jasady - Qyzylorda
QYZYLORDA. 15 qańtar. QazAqparat /Jańagúl Serdaly/ - Qyzylorda qalasyna qarasty Besaryq aýylynyń turǵyndary da elimizdiń erteńi úshin daýys berý úshin tańalakeýimnen saılaý ýchaskelerine kelip,
óz tańdaýlaryn jasady. Jalpy №148 Besaryq saılaý ýchaskesinde 1310 saılaýshylar tirkelgen.
Sondaı-aq Qyzylorda qalasyndaǵy Qaltaı Muhamedjanov atyndaǵy №1 mektep-gımnazııasynda ornalasqan №175 saılaý ýchaskesinde táńerteńgi 7.00-den bastap saılaýshylar óz tańdaýyn jasaýǵa asyqty. Olardyń ishinde birinshi bolyp jáne alǵash ret tańdaý jasaý quqyǵyna Qorqyt Ata atyndaǵy QMÝ 1-kýrs stýdenti Aqkenje Qaltaıqyzy ıe boldy. Ol osy okrýg boıynsha tuńǵysh ret saılaýǵa qatysatyn 15 jastyń qatarynan.
- El taǵdyryna salǵyrt qaraı almaımyz, bizdiń tańdaýymyz - bizdiń bolashaǵymyz. Sondyqtan búgin saılaýǵa kelip, qatysyp jatqanyma qýanyshtymyn,-deıdi A. Qaltaıqyzy.
Osy saılaý ýchaskesine ertemen kelip, óz tańdaýyn jasaǵandardyń biri - Uly Otan soǵysynyń ardageri Tánesh Orazov ta daýys berý - azamattardyń basty paryzdarynyń biri bolýy tıis deıdi.
Jalpy, №175 saılaý ýchaskesinde 19 kóp qabatty úı, 363 jeke sektordaǵy úı turǵyndary tirkelgen. Saılaýǵa deıin elektoratty mańyzdy naýqanǵa belsendilikpen qatysýyna shaqyrdyq,-deıdi ýchaske tóraǵasy Asqar Ádilbekov.
