Besaǵashta jar opyrylyp turǵyn úıge qulady
ALMATY. QazAqparat - Almaty irgesindegi Besaǵash aýylynda tolassyz jaýǵan jaýyn saldarynan topyraq opyrylyp, týra taýdyń irgesindegi úıdiń aýlasyn sary balshyq basyp qaldy, dep habarlaıdy QazAqparat tilshisi.
Úı ıesi Gúlbaqyt Orazymbetova qaıda baryp jan saýǵalaryn bilmeı dal bolýda.
"Tańerteń kórshi úıden kelsem taýdyń taǵy bir bóligi opyrylyp qulapty. Úıde 9 jastaǵy balam uıyqtap jatqan. Men endi bala-shaǵamnyń ómiri úshin qorqamyn. Bulaı bola berse, topyraq kóshkini astynda qalamyz ǵoı", -dedi G. Orazymbetova.
Budan 1 apta buryn aýyl halqy topyraq kóshkini júrgendigin aıtyp dabyl kótergen edi . Ol kezde mamandar 450 tekshe metr sary topyraq kóshkini júrgendigin məlimdegen.
Aýyl əkimi Muhıt Əlibekov əkimdik tarapynan tek qulaǵan topyraqty shyǵaryp berýge ǵana kómek bolatynyn aıtty. Əkim TJD mamandary az ýaqyt ishinde taýdyń betki qabatyn súrip, tik jardy kólbep beredi dep sendirdi.
Al qalǵan shyǵyndy "Býrabaı" qalashyǵynyń ıesi Dəýren Meıirmanov kóterýi tıis.
"Turǵyndar bul jerdi 2006 jyly jeke sharýa qojalyǵynan satyp alǵan. Tótenshe jaǵdaı bolyp jatsa jer ıesimen aradaǵy kelisimshart boıynsha sotqa berip múlkin qalpyna keltirýdi talap ete alady. Endi əkimdikte osy aımaqtan jer berýdi toqtatý týraly sheshim shyqty", - dedi Besaǵash aýylynyń əkim Muhıt Əlibekov.
Onyń aıtýynsha, taýdyń joǵarǵy jaǵyndaǵy turǵyndar jer qazyp aryq júrgizgen. Nátıjesinde sý sińgen sary topyraq tómendegi úılerge qaýip týdyryp tur.
"Meniń úıimniń tusynda da taý jarylyp tur. Jaýyn jaýatyn bolsa úıim taý astynda qala ma dep otyrmyn", - dedi Sergeı Ermolaev.
Aıta keteıik, jardyń bóligi alǵash opyrylyp qulaǵanda Talǵar aýdany ákimdiginde jıyn ótip, məseleni sheshý úshin arnaıy komıssııa qurylǵan bolatyn.
