Bes jylda ýtıldik alymnan 614,4 mlrd teńge túsken

NUR-SULTAN. QazAqparat – Sońǵy bes jylda ýtıldik alymnan 614 mlrd 488 mln teńge túsken. Bul týraly QR Ekologııa, geologııa jáne tabıǵı resýrstar mınıstri Serikqalı Brekeshev málim málim etti, dep habarlaıdy QazAqparat tilshisi.

«2016 jyldan bastap 2021 jyldyń qyrkúıegine deıingi kezeńde óndirýshi-ımporttaýshylardan kádege jaratý tólemi túrinde túsken qarajattyń kólemi 614 mlrd 488 mln teńge boldy. 2021 jylǵa kelsek, 172 mlrd teńge jınaldy», - degen vedomstvo basshysy ol aqshanyń qalaı jumsalǵanyna toqtaldy.

«Otandyq avtoóndirýshilerge Qazaqstan Respýblıkasy aýmaǵyndaǵy óndiristi, sondaı-aq, aýyl sharýashylyǵy tehnıkasyn yntalandyrýǵa sońǵy bes jylda 295 mlrd 586 mln teńge baǵyttaldy. Qalǵan qarjy QR-da óndirilgen kólik quralyn nemese aýyl sharýashylyǵy tehnıkasyn óndirýshilerge usynylǵan jeńildikterdi qarjylandyrýǵa20 mlrd 187 mln teńge bólindi. Bul eski kólikti kádege jaratýǵa tapsyrý kezinde otandyq avtokólik satyp alý sertıfıkaty retinde beriledi. Avtokomponentterdi ýtılge ótkizý tólemine - 3 mlrd 384 mln teńge, qaptama qaldyqtaryn ýtılge ótkizý tólemine - 7 mlrd 266 mln teńge, elektr qaldyqtaryn ýtılge ótkizý tólemine - 500 mln teńge, isten shyqqan kólik quraldary men aýyl sharýashylyǵy tehnıkasyn ýtılge ótkizý tólemine - 29 mlrd 183 mln teńge bólindi», - dedi Serikqalı Brekeshev.