Bes jylda Pavlodar oblysynda qaraǵaı egý alańy 17 esege ulǵaıady
PAVLODAR. QazAqparat - Pavlodar oblysynda orman kólemin ulǵaıtýdyń 2021-2025 jyldarǵa arnalǵan keshendi jospary ázirlenip, bekitildi, dep habarlaıdy QazAqparat Pavlodarnnews.kz-ke silteme jasap.
Pavlodar ormandar men janýarlar dúnıesin qorǵaý mekemesiniń málimetinshe, bes jyldyń ishinde oblys ákimdiginiń qaramaǵyndaǵy memlekettik orman qory mekemeleriniń aýmaǵynda jalpy kólemi 5,3 myń gektar jerge 31,9 mln qaraǵaı kóshetterin otyrǵyzý kózdelip otyr. Jalpy aǵash egý alańy 17 ese ulǵaıtylady.
- 2021 j. – 120 ga, 533,3 myń;
- 2022 j. – 350 ga, 2 mln;
- 2023 j. – 1,3 myń ga, 7,3 mln;
- 2024 j. – 1,6 myń ga, 9,6 mln;
– 2025 jyly – 2 myń ga, 12,3 kóshet egiledi.
Sondaı-aq mekemelerdi kóshetterdiń qajetti kólemimen qamtamasyz etý úshin bıylǵy jyly 6,25 gektar aýmaqty quraıtyn úsh ýaqytsha pıtomnıkter quryldy, bul 2023 jylǵa qaraı 7,5 mıllıon dana kóleminde eki jyldyq qaraǵaı kóshetterin alýǵa múmkindik beredi.
2022 jylǵa arnalǵan oblystyq bıýdjette tehnıka men jabdyqtar satyp alýǵa 73,6 mln teńge qarastyrylyp otyr.
Aıta keter jaıt, ákimdikke qarasty orman mekemeleri, respýblıkalyq tabıǵat qorǵaý mekemeleri, «Ertis ormany» qoryǵy men Baıanaýyl ulttyq saıabaǵynda bıyl 3 gektar jerge 13 mıllıon túp kóshet otyrǵyzdy.
