Bes jylda keminde 14 gıgavattyq jańa elektr qýaty iske qosylady – Prezıdent

ASTANA. QazAqparat – Memleket basshysy Qazaqstan halqyna Joldaýynda jylý elektr stantsııalarynyń jaǵdaıyna toqtaldy, dep habarlaıdy QazAqparat tilshisi.

«Ótken qysta elimizdiń jylý elektr stantsııalarynda qaıta-qaıta apat boldy. Bul jaǵdaı jyldar boıy sheshilmegen máseleniń betin ashyp berdi. Infraqurylymnyń ábden tozýy halyqtyń turmys sapasyna tikeleı áser etedi. Indýstrııalandyrý qarqynyn da tejeıdi, ıaǵnı ınfraqurylymdy jańǵyrtpasaq, jańa ekonomıkalyq úlgige kóshý múmkin emes. Úkimet jańa ınfraqurylymdyq josparda osy saladaǵy barlyq túıtkildi ashyq kórsetip, ony sheshý joldaryn anyqtaýǵa tıis», - dedi Qasym-Jomart Toqaev.

Memleket basshysynyń málimdeýinshe, energetıkalyq qaýipsizdik máselesin de sheshý qajet. Bul salada qoldan kelgenshe óz resýrstarymyzǵa arqa súıegen abzal.

«Basty mindet elektr energetıkasy salasyna júkteledi. Aldaǵy 5 jylda keminde 14 gıgavattyq jańa elektr qýaty iske qosylady. Bıyl Ekibastuzdaǵy birinshi GRES-tiń birinshi blogyn qaıta qurý jumystary aıaqtalady. Buryn eshqashan tolyq qýatyn paıdalanyp kórmegen stantsııanyń 8 blogy túgel jumys isteıtin bolady. Qazir ekinshi GRES-ti keńeıtý jobasy júzege asyrylyp jatyr, úshinshi GRES-tiń qurylysy bastalady», - dedi Prezıdent.