Bes jylda 5 myńnan asa orys tildi jastar qazaq tilin úırendi - ıÝrıı Býnakov
MATY. 25 qarasha. QazAqparat /Názıra Eleýhan/ - Orys tildi jastardyń arasynda qazaq tilin úırenýge degen ynta jyldan jylǵa artyp keledi.
Bes jylda 5 myńnan asa orys tildi jastar qazaq tilin úırendi. Bul týraly búgin Almatyda «Til - halyq janyn tanýdyń kilti» atty orys jastary arasyndaǵy qazaq tili bilgirleriniń V respýblıkalyq baıqaýynda Qazaqstandaǵy orys qaýymdastyǵynyń basshysy ıÝrıı Býnakov málim etti.
Onyń aıtýynsha, oǵan bes jyldan beri ótkizilip kele jatqan orys jastary arasyndaǵy qazaq tili bilgirleriniń baıqaýy dálel bola alady.
«Respýblıkalyq baıqaýǵa deıingi aýdan, oblystarda ótken irikteýlerge ár óńirdiń ózinde 100-den asa qazaq tilin biletin orys jastary qatysyp keledi. Barlyǵyn qosyp sanaǵanda, búginde qazaq tilin biletin jastardyń sany qanshalyqty ekendigin baıqaýǵa bolady. Olardyń qazaq tiline degen yntalary men otansúıgishtiginiń joǵarylyǵy búgingi baıqaýdyń birinshi nomınatsııasynda baıqaldy»,-dedi ol.
«Qazaqstanda turatyn ár ult eldiń negizgi tili - memlekettik til, qazaq tilin qurmetteýi kerek. Men qazaq tilin bilý - bizdiń árqaısymyzdyń paryzymyz bolýy kerek dep sanaımyn. Óıtkeni, men qazaqstandyqpyn. Men ózim orys synybynda oqımyn. Qazaq tiline qyzyǵýshylyǵym birinshi synyptan bastaldy, sol jyldan bastap qazaq tiline baılanysty túrli baıqaýlarǵa qatysyp kelemin»,-deıdi Kókshetaýdan kelgen qatysýshy Olga Rychkova.
