Bes jyl ishinde Almatyda velosportpen shuǵyldanýshylardyń sany 90 myńǵa jetti - A. Esimov
ALMATY. QazAqparat - Bes jyl ishinde Almatyda velosportpen shuǵyldanýshylardyń sany 90 myńǵa jetti. Bul qala halqynyń 6 paıyzy. Mundaı jetistikke jyl saıyn ótkizilip turatyn velomarafonnyń qosqan úlesi óte zor.
Búgin Almatyda Qazaqstan halqynyń birligi kúnine baǵyttalǵan velomarafonnyń ashylý saltanatynda Almaty qalasynyń ákimi Ahmetjan Esimov osylaı dedi.
«Budan bes jyl buryn velosportpen aınalysatyndardyń úles salmaǵy qala halqynyń jalpy sanyna shaqqanda 0,5 paıyzdaı ǵana bolatyn. Al búginde qalada velosıpedter men sporttyq kerek-jaraqtardy satatyn dúkenderdiń sany 2,5 esege artty. Sonymen qatar, velosıped jóndeıtin 21 sheberhana jumys isteıdi. ıAǵnı jańa jumys oryndary ashyldy. Jáne eń bastysy, almatylyqtar óz densaýlyqtaryna kóp kóńil bóle bastady. Bul túsinikti de. Óıtkeni velomarafonnyń basty maqsaty - salamatty ómir saltyn nasıhattaý» - dedi qala ákimi.
Búgingi velomarafonǵa barlyǵy 1,5 myńǵa jýyq adam qatysty.
Esterińizge sala keteıik, uıymdastyrý komıteti 26 sáýirge josparlanǵan velomarafondy aýa raıynyń qolaısyzdyǵyna baılanysty búgingi kúnge aýystyrǵan bolatyn.
