Bes jyl buryn jasalǵan qylmystyń beti ashyldy - Almaty oblysy
TALDYQORǴAN. QazAqparat - Almaty oblysynda 5 jyl buryn kisi ólimimen tirkelgen qylmystyń beti ashyldy. Qylmysker 6 jylǵa sottaldy, dep habarlaıdy QazAqparat tilshisi.
Іstiń materıaldaryna sáıkes, oqıǵa 2012 jyldyń mamyr aıynda Qaratal aýdanyna qarasty Qanabek aýylynyń mańynda bolǵan.
Jedel aqparatty tekserý barysynda tártip saqshylary qylmyskerdi anyqtap, dereý qamaýǵa aldy. Keltirilgen aıǵaqtardyń salmaqtylyǵynyń arqasynda 29 jastaǵy Qapshaǵaı turǵyny kinásin moıyndady. Sondaı-aq, tergeý barysynda óltirilgen adamnyń máıitin qaıda kómgenin de kórsetip berdi. Er azamattyń denesi sol jerden tabyldy.
«Jas jigit egde tartqan shopannan kúshti bolǵan. Ol qarııany at ústinen qulatyp, keýde tusynan birneshe ret pyshaq tyqqan. Keıin máıitti shúberekke orap kómip ketken»,- dep málim etti oblystyń polıtseıleri.
Almaty oblystyq ІІD baspasóz qyzmetiniń málimetinshe, 29 jastaǵy turǵynǵa 2018 jyldyń 29 naýryzynda sot úkimi shyǵyp, qylmysker 6 jylǵa bas bostandyǵynan aıryldy. Ol jazasyn qaýipsizdigi joǵary deńgeıdegi túrmede óteıdi.
