Bes jyl boıy qylmysyn jasyryp kelgen aýyl turǵyny qamaýǵa alyndy
ASTANA. Qazannyń 6-sy. QazAqparat /Arman Asqarov/ - Osydan 5 jyl buryn Taraz qalasy arqyly ótetin Qarasý ózeniniń jaǵasynda qoly baılanǵan 35 jasar áıel adamnyń máıiti tabylǵan bolatyn.
Onyń denesinde tunshyqtyrýdyń izderi bolǵan. Ótken aptada Jambyl oblysynyń krımınalıst-mamandary osy qylmysqa qatysy bar Amangeldi aýylynyń turǵynyn qamaýǵa aldy. Bul týraly búgin ótken aptalyq brıfıng barysynda QR Іshki ister mınıstrliginiń resmı ókili Qýanyshbek Jumanov málim etti, dep habarlaıdy QazAqparat.
«Ustalǵan 30 jastaǵy azamat óz kinásin tolyǵymen moıyndady. Onyń aıtýynsha, urys-keristiń nátıjesinde oryn alǵan qylmystan keıin, ol máıitti jasyrý maqsatynda áıeldiń óli denesin ózenge tastaı salǵan. Qazir adam óltirý faktisi boıynsha qylmystyq is qozǵalyp, tergeý amaldary júrgizilýde», - deıdi Q.Jumanov.
