Bes jyldan beri jasyrynyp júrgen qylmysker Grýzııadan ekstradıtsııalandy

ASTANA. KAZINFORM - Qazaqstan Bas prokýratýrasynyń men Іshki ister mınıstrliginiń qyzmetkerleri Qazaqstannyń Grýzııadaǵy Elshiliginiń kómegimen birneshe ret alaıaqtyq jasaǵany úshin Qazaqstan azamatyn qylmystyq jaýapkershilikke tartý úshin Tbılısıden ekstradıtsııalady.  

QR Bas prokýratýrasy baspasóz qyzmetiniń málimetinshe, 2020 jyly atalǵan tulǵa adamdar tobynyń aldyn ala sóz baılasýymen sýbsıdııa alýǵa kómek kórsetý syltaýymen Ulytaý oblysynyń 88 turǵynynyń qarajatyn ıemdenip, jalpy somasy 30 mıllıon teńgeden astam shyǵyn keltirgen.

Eki sybaılasy ár túrli jazaǵa tartyldy, al kúdikti qylmys jasaǵannan keıin jasyrynyp ketti, sondyqtan ol halyqaralyq izdeýge jarııalandy.

2024 jyly ol Grýzııa aýmaǵynda anyqtalyp, Qazaqstan Respýblıkasy Bas prokýratýrasynyń suraý salýy boıynsha Otanyna ekstradıtsııalandy.

Qazir kúdikti Aqtaý qalasynyń tergeý ızolıatoryna qamaýǵa alyndy. Aıyptalǵan qylmysty jasaǵany úshin múlki tárkilenip, úsh jyldan jeti jylǵa deıin bas bostandyǵynan aıyrý jazasy qarastyrylǵan.

15 mıllıard teńgeni ıemdengen «QI-Trade Kazakhstan» qarjy pıramıdasynyń jetekshisi ekstradıtsııalanǵanyn jazǵan bolatynbyz.