Bes jasar qyzdyń isi boıynsha tergeý sáýirde aıaqtalady - Astana ІІD
ASTANA. QazAqparat - Astanada denedegi soqqy izderimen aýrýhanaǵa túsken bes jasar qyzdyń isi boıynsha aıyp taǵylǵan joq, dep habarlaıdy QazAqparat.
«Ázirge tergeý amaldary júrip jatyr. Búldirshindi aýrýhanadan shyǵaryp jatyrmyz. Alaıda tergeý barysyna qatysty eshteńe aıta almaımyn. Tergeý amaldary saraptama júrgizilgennen keıin, sáýirdiń sońyna qaraı aıaqtalady», - dedi elordadaǵy ІІD Tergeý basqarmasynyń tergeýshisi Dıdar Nuraly.
Sonymen qatar ol resmı aıyp taǵý jarııalanǵannan keıin ǵana atalǵan is boıynsha málimetter usynylatynyn jetkizdi.
«Ázirge, bul oqıǵa boıynsha aıyp taǵyllǵan joq», - dedi ІІD ókili.
Aıta keteıik, Astanada denedegi soqqy izderinen keıin em qabyldaǵan bes jasar qyz aýrýhanadan shyqty.
Mamandardyń tekserýi kezinde balanyń bas mıynda ótkir sýbdýraldyq qandy isiktiń bary anyqtaldy. Budan keıin bala neırohırýrgııa bólimshesine aýystyrylyp, oǵan ota jasaldy.
Esterińizde bolsa, 3 naýryzda Qýat Ahmetjanov Qazaqstandaǵy Bala quqyqtary jóninde ýákildiń Feısbýktegi paraqshasynda WhattsApp messendjerinen kelgen kishkentaı qyz týraly habarlama men onyń fotosýretin jarııalady. Ol denedegi soqqy izderimen qalalyq №2 balalar aýrýhanasyna túsken.
Qazaqstan Respýblıkasyndaǵy Bala quqyqtary jónindegi ýákil, Parlament depýtaty Zaǵıpa Balıeva bes jasar qyzdyń taǵdyryn óz baqylaýyna aldy.
Sonymen qatar ol balanyń dıvannan qulap, osyndaı jaraqat alǵandyǵy týraly sebepke kúmánmen qaraıtynyn aıtqan bolatyn.
