Bes jasar qyzdy uryp óltirgen astana turǵyny ómir boıyna sottaldy
NUR-SULTAN. QazAqparat - Elordada bala óltirgen turǵyn ómir boıyna sottaldy, dep habarlaıdy QazAqparat qalalyq sottyń baspasóz qyzmetine silteme jasap.
22 shildede Nur-Sultan qalasynyń qylmystyq ister jónindegi mamandandyrylǵan aýdanaralyq soty alqabılerdiń qatysýymen D. atty kishkentaı balany óltirý faktisi boıynsha K-ǵa qatysty úkim shyǵardy (QK 99-baby 3-bóligi).
Sotta K-nyń alkogoldi ishimdik iship, birge turatyn áıeldiń 5 jasar qyzyn aıamaı uryp-soqqany belgili boldy. Bala esin jımastan qaıtys bolǵan.
Alqabıler alqasy ómir boıy bas bostandyǵynan aıyrý jazasyn túgel jaqtap daýys berdi.
Arada biraz ýaqyt ótkende sottalýshy apellıatsııalyq shaǵym bergen. Ol kinásiz ekenin aıtyp, úkimniń kúshin joıýdy surady.
Sot alqasynyń 1 qyrkúıektegi qaýlysymen úkim ózgerissiz qaldy. Óıtkeni onyń kúshin joıýǵa eshqandaı negiz bolǵan joq.
