Bes jasar qyz jarty jyl boıy murnyndaǵy túıreýishpen júrgen
ASTANA. QazAqparat - Alty aı boıy AQSh dárigerleri bes jastaǵy Hloı Rasseldiń tumaýratý sebebin anyqtaı almaǵan.
Qyzdyń anasynyń aıtýynsha, Hloıdi 3 dáriger qaraǵan. Olardyń barlyǵy qyzdyń murnyna ınfektsııa tústi dep aıtyp, túrli antıbıotıkter jazyp bergen. «Jarty jyl buryn qyzymda tumaý paıda boldy. Onyń murnynan jasyl tústes jaǵymsyz ıisi bar suıyqtyq toqtamastan aǵatyn boldy», - deıdi anasy. Anasynyń aıtýynsha, dárigerler bergen antıbıotıkter qyzǵa esh kómegin tıgizbegen.
Bir kúni otbasyna Hloıdiń aǵasy keledi. Ol qyzdy qatty sińbirýge májbúrleıdi. Sol kezde qyzdyń murnynan 4 santımetrge jýyq túıreýish shyqqan. Holıdiń aıtýynsha, túıreýishti ol oıyn kezinde murnyna tyǵyp alyp, keıin anasyna ol týraly aıtýdy umytyp ketken eken, dep jazady sheteldik BAQ.
