Bes jasar balany sýdan alyp shyqqan stýdent oqıǵany baıandady
AQTÓBE. QazAqparat - 2016 jyly týǵan balanyń sýǵa batyp, aǵyspen ketip bara jatqanyn kórgen stýdent birden qutqarýǵa kirisken. Stýdent oqıǵanyń mán-jaıyn aıtyp berdi, dep habarlaıdy QazAqparat tilshisi.
Aıbar Serik keshe saǵat 15:00 shamasynda Qarǵaly ózeninen balalardyń daýysyn estip, júgirgen.
«Bir balanyń aǵyp bara jatqanyn kórdim. Es-túzsiz boldy. Shyǵarǵan soń dosym Bımyrza Manas ekeýmiz alǵashqy kómek kórsettik. Jasandy jolmen tynys alýǵa kómektestik. Aıaǵyn kóterdik. Esin jıǵanda jedel járdem shaqyrdyq»,- dedi Aıbar Serik. Ol Atyraý qurylys energetıka kolledjiniń stýdenti bolyp shyqty. Dosy Aqtóbedegi № 55 orta mekteptiń oqýshysy.
Eske salsaq, oblystyq tótenshe jaǵdaılar departamenti búgin stýdenttiń kishkentaı balany qutqarǵany týraly habarlap, oǵan alǵysyn bildirdi. Balalar sý jaǵasynda bir top bolyp oınap júrgen.
