Bes ýaqyt namaz adamnyń qartaıýyn tejeıdi
ASTANA. 25 tamyz. QazAqparat - Allaǵa jalbarynyp, bes ýaqyt oqylatyn namaz adam aǵzasynda ýaıym-qaıǵyǵa boı aldyrtpaıtyn serotonın gormonyn bólýge septigin tıgizedi, dep habarlaıdy muslim.kz saıtynan.
Sonymen qatar, ǵıbadat kezindegi qımyl-qozǵalys qan aınalymyn jaqsartyp, terini jasartady. Ahmet Arslan esimdi estetıkalyq jáne plastıkalyq otanyń mamany timeturk.com basylymynyń tilshisine óz oıyn osylaı bildirdi.
Professor namazdy qartaıý protsesimen kúresýdiń tıimdi tásilderiniń biri retinde atap otyr. «Ásirese, áıel juraǵaty ájimdi ketirý úshin nemese qulyn múshesin buzbas úshin qymbat dári-dármek satyp alyp jatady ıa bolmasa aqsha shyǵaryp, jattyqtyrýshy jaldaıdy. Syr-symbatyn saqtap qalý úshin aýyzyndaǵysyn jyryp berýge daıar turatyn olar Allaǵa qulshylyq etýdiń adam jany men tánine qanshalyqty paıdaly ári shıpaly bile bermeıdi», - dedi ol óz sózinde. Bul jaıynda ÝMMA aqparat agenttigi habar taratty.
Sarapshy namazdyń jaǵymdy áseri dáret alýdan bastalatynyn jetkizdi. «Moıyn men shyntaqty, aıaqty sýyq sýmen shaıǵanda teri qabatyndaǵy qan aınalymy jaqsarady. Ájimniń túsýine sebep bolatyn erekshe jasýshalardyń kózi ashylady», - dedi ol sózin sabaqtap.
Buǵan qosa, professordyń aıtýynsha, qulshylyq kezindegi qımyl-qozǵalys adamnyń sergek júrýine septigin tıgizedi. Artrozdyń aldyn alyp, býynǵa tuz jınalýdan saqtaıdy. Kúndelikti namaz dene eńbegimen aınalyspaıtyn adamdar úshin óte paıdaly.
Otashynyń pikirinshe, Allaǵa jalynyp-jalbaryný kezinde adamnyń kóńil kúıi jaqsaryp, ómirge súrýge degen qushtarlyǵy artady.
