Bes til biletin jas maman jas­tarǵa til úıretýdi ózine maqsat tutqan

ASTANA. QazAqparat - Abylaı han atyn­daǵy Halyqaralyq qaty­nastar jáne Álem tilderi ýnı­versıtetiniń túlegi Ásem Tanys­bekova búginde qazaq tilinen bó­lek, orys, aǵylshyn, polıak jáne ıspan tilderin erkin meńgergen. Jas ma­man kóptegen sheteldik kom­panııa­lar qyz­met­ke shaqyrsa da barmaı, jas­tarǵa til úıretýdi ózine maqsat tut­qan, dep jazady «Aıqyn» gazeti.

«Jer betindegi 2 mıllıardqa jýyq adam aǵylshyn tilinde sóılese, jylyna 55 myńnan astam paıdaly ádebıetter shyǵady eken.

Al negizgi ǵylymı kitaptardyń 33 paıyzy aǵylshyn tiline mindetti túrde aýdarylady. Osydan-aq, aǵylshyn tilin biletin adamnyń asyǵy alshysynan túsetinin paıymdaı berýge bolady. Búginde elimizde shetelden izdegeni - ilim, kózdegeni bilim bolǵan jastardyń qatary artyp keledi», delingen maqalady. 

Olardyń túgeli derlik aǵyl­shyn tilin meńgerip, teń jartysy qosymsha til úırený­de. Sondaı jastardyń biri  Ásem Tanys­bekova «Aǵylshyn tili - álemdegi kóp taralǵan til. Jastar elimizdiń syrtqy saıasaty men ekonomı­ka­syn damytý maqsatynda meılin­she, til úırengeni durys. Al qazaq, orys, aǵylshyn tilin jetik meń­ger­geni abzal» deıdi. Tek aǵylshyn tilin bilý arqyly álemdegi 2 mıl­lıardqa jýyq adammen erkin kommýnıkatsııa jasaýǵa jol ashy­lady. Bıznes, týrızm, ǵylym, bilim berý júı­esi, ınternet, kıne­moto­grafııa jáne taǵy basqa álem­niń túrli salasynda aǵylshyn tili qoldanylyp, kóptegen álem­dik jobalar, saıası kez­de­sýler men jıyndar, sporttyq jarystar men olımpıadalar aǵylshyn tilinsiz ótpeıtini jasyryn emes. 
2010 jyly Abylaı han atyn­daǵy Halyqaralyq qaty­nastar jáne Álem tilderi ýnı­versıtetiniń shet tili fı­lo­logııasy mamandy­ǵyna tú­­sip, polıak tilin meńgergen Ásem Polsha memleketi kon­sýl­dy­ǵy uıymdastyrǵan Jaka jest piekna Warszawa w lipcu («Shil­dedegi Varshavanyń ásem­digi») baǵdarlamasy bo­ıynsha 3 aptalyq joldama alady. Keıinnen osy ókildik uıymdastyrǵan Jezyk i kultura Polski («Polshanyń tili men mádenıeti») baǵdarlamasymen Varshava qalasyna 6 aılyq oqýǵa ketedi. Budan bólek, Ásem ýnıver­sıtet qabyrǵa­synda júrip qosym­sha ıspan tilin úırenedi. 
Oqýyn támamdap, elge kel­gen­nen keıin Polsha memle­ket­tik zań fırmasynyń elimiz­degi bólim­shesinde aýdarmashy bolyp qyzmet atqarady. Ýaqyt óte elimizdiń jastaryna she­tel­den alǵan bilimin úıretý ar­qyly, qazaqqa paıdasyn tıgi­zýdi oılaǵan Ásem úsh jyl­dan beri til úıretetin «Mejdý­naro­dnık» mektebinde polıak tilinen sabaq beredi. «Jastar­dyń til bilýge degen umtylysy joǵary. Polıak tilin úırenýge kelgen bala­lar­dyń til meń­gerýge qabileti, beıimi bar. Oqý­shyǵa erte jastan til úı­ret­kenniń paıdasy zor. Jara­tylystaný jáne gýmanıtar­lyq pánderdi birden aǵylshyn tilinde oqytý qıyndyq týdy­rýy múmkin. Degenmen, qazaq balalary tilderdi meńgerýde joǵary kórset­kishke ıe» deıdi pedagog-maman. 
Búginde qazaq tilinen bó­lek, orys, aǵylshyn, polıak jáne ıspan tilderin erkin meńgergen jas ma­man kóptegen sheteldik kom­panııa­lar qyz­met­ke shaqyrsa da, jas­tarǵa til úıretýdi ózine maqsat tut­qan. «Armanym - birneshe til bile­tin, saýatty jastardyń qata­ryn kóbeıtý» deıdi Ásem Tanys­bekova. 

 

Asyl TUMAR