Bes saýsaq birdeı emes - Isekeshev PIK-terdiń jumysy týraly

ASTANA. QazAqparat - Astana qalasynyń əkimi Əset Isekeshev qaladaǵy pəter ıeleri kooperatıvteriniń jumysyna arnalǵan qoǵamdyq tyńdaý barysynda PIK-terdiń jumysyna "bes saýsaq birdeı emes" dep baǵa berdi.

 Isekeshev atap ótkendeı, jumysyn minsiz atqaratyn PIK-ter sııaqty, múlde jumys istemeıtin PIK-ter jeterlik, dep habarlaıdy QazAqparat.

Jalpy, Ə.Isekeshev atap ótkendeı, qazir qalada 419 PIK jumys isteıdi.

"Búginde turǵyn úı qatynastary elordanyń eń mańyzdy məselesi bolyp sanalady. Sebebi, qarapaıym qala turǵyndarynyń ómirine tikeleı qatysty. Sondyqtan, biz bul məseleni únemi nazarda ustaımyz. Búgin sizdermen PIK-terdiń jumysyn talqylaımyz. Astana qalasynda 419 PIK tirkelgen. Olar 2 jarym myńǵa jýyq kópqabatty úıdiń turǵyndaryna qyzmet etedi",-deıdi ol.

Qala əkimi PIK-terdiń jumysyna toqtala kele, bul salada sheshilmegen məsele kóp ekenin jasyrmady.

"Bes saýsaq birdeı emes" demekshi, PIK-terdiń jumysynyń sapasy da ərtúrli deńgeıde. Keıbir PIK-ter turǵyndardyń kóńilinen shyǵyp jatsa, keıbir PIK-terge qatysty suraqtar kóp. Jalpy, halyqtyń kópshiligi PIK-terdiń qyzmetine kóńili tolmaıdy. Sheshilmen məseleler kóp. Biz qala əkimdigi retinde mundaı problemalardyń bolýyn qalamaımyz. Qazir qalany órkendetip, azamattarǵa qolaıly jaǵdaı jasaý úshin qanshama jumystar atqarylyp jatyr. Eger qarapaıym PIK-terdiń jumysyn sheshsek, kózdegen maqsatqa jetemiz. Sondyqtan, osy məseleni jıi talqylaý kerek",-dedi Ə.Isekeshev.