Bes óńirde kún qatty ysıdy – Qazgıdromet
ASTANA. KAZINFORM - 30 maýsymda elimizdiń basym bóliginde aýa raıy qubylmaly bolady, jańbyr jaýady.
«Qazgıdromet» RMK málimetinshe, tek respýblıkanyń ońtústigi men batysynda aýa raıy jaýyn-shashynsyz bolady. Respýblıka boıynsha kún kúrkirep, burshaq jaýady, jel kúsheıedi, ońtústikte shańdy daýyl turady.
Kúndiz Abaı, Jetisý, Almaty, Jambyl, Shyǵys Qazaqstan oblystarynda qatty ystyq saqtalady.
Qaraǵandy, Pavlodar, Abaı, Jetisý oblystarynda, Ulytaý oblysynyń soltústiginde, shyǵysynda, Aqmolanyń batysynda, ońtústiginde, Shyǵys Qazaqstannyń ońtústiginde, Mańǵystaý oblysynyń batysynda joǵary órt qaýpi saqtalady.
Túrkistan, Jambyl, Qyzylorda, Almaty, Ulytaý oblystarynda, Mańǵystaýdyń soltústiginde, Qostanaıdyń ońtústiginde, batysynda, Qaraǵandy oblysynda, Abaı oblysynyń ońtústiginde, soltústiginde, Jetisý oblysynyń shyǵysynda, Atyraý oblysynyń batysynda, shyǵysynda tótenshe órt qaýpi saqtalady.
