Bes óńirde úsik júredi: Dúısenbige aýa raıy boljamy
NUR-SULTAN. QazAqparat -Atmosferalyq aǵyndardyń ótýine baılanysty 20 mamyr kúni jańbyr jaýady. Tek batysta, ońtústik-batysta jaýyn-shashynsyz kún raıy saqtalady. Respýblıkanyń keı aımaqtarynda naızaǵaı, tuman, jeldiń kúsheıýi, daýyl kútiledi, burshaq jaýýy múmkin. Ońtústikte keı jerlerde shańdy daýyl boljanady, dep habarlaıdy QazAqparat.
«Qazgıdromet» RMK málimetinshe, Almaty oblysynyń keı jerlerinde naızaǵaı kútiledi, túnde Jalańashkól aýdanynda jel 17-22 m/s kúsheıedi.
Shyǵys Qazaqstan, Qaraǵandy oblystarynyń keı jerlerinde naızaǵaı, daýyl boljanady, jeldiń ekpini 25 m/s artady. Shyǵys Qazaqstan oblysynda burshaq jaýýy múmkin. Qaraǵandy oblysynda tuman kútiledi.
Qyzylorda oblysynyń keı jerlerinde naızaǵaı, shańdy daýyl kútiledi, burshaq jaýýy múmkin, jeldiń kúshi 23 m/s jetedi.
Soltústik Qazaqstan oblysynda keı jerlerde naızaǵaı, daýyl boljanady, burshaq jaýýy yqtımal, jel 15-20 m/s kúsheıedi.
Qostanaı oblysynda naızaǵaı, tuman, burshaq kútiledi, kúndiz keı jerlerde jel 15-20 m/s jyldamdyqpen soǵady.
Aqmola oblysynda keı jerlerde naızaǵaı, tuman kútiledi, jel 15-20 m/s kúsheıedi.
Jambyl, Túrkistan oblystarynda tańerteń jáne kúndiz keı jerlerde naızaǵaı oınaıdy, jel 15-20 m/s artady.
Jambyl oblysynda daýyl turyp, burshaq jaýýy múmkin.
Kúndiz Pavlodar oblysynda keı jerlerde naızaǵaı, burshaq kútiledi, jeldiń ekpini - 18 m/s.
Kúndiz Aqtóbe oblysynyń keı jerlerinde jel 15-20 m/s kúsheıedi.
Aqmola, Soltústik Qazaqstan, Aqtóbe, Qaraǵandy, Batys Qazaqstan oblystarynyń keı jerlerinde úsik kútiledi - 1-3 gradýs.
Qyzylorda, Túrkistan oblystarynyń jekelegen aýmaqtarynda joǵary órt qaýpi saqtalady.
