Bes óńirde taý ózenderi arnasynan shyǵýy múmkin - Qazgıdromet
NUR-SULTAN. QazAqparat - Sınoptıkter aýa raıynyń buzylýyna baılanysty 4 oblysta jáne Almaty qalasynyń mańynda ózendegi sý deńgeıi kóteriletinin eskertti, dep habarlaıdy QazAqparat Qazgıdrometke silteme jasap.
«15-17 maýsym aralyǵynda Shyǵys Qazaqstan oblysynda, 15-16 maýsymda Túrkistan, Jambyl, Almaty oblystarynda jáne Almaty qalasynyń irgeles aýmaqtarynda tolassyz jańbyr jaýady dep kútilýde. Osyǵan baılanysty keı jerlerde taýly ózenderde sý deńgeıi kóterilip, betkeıli, kúshti aǵyn qalyptasýy múmkin» delingen habarlamada.
