Bes óńirde 8 jańa sý qoımasy salynady
«Sý resýrstaryn basqarý jónindegi memlekettik baǵdarlamanyń jobasyn ázirledik. Búginde atalǵan memlekettik baǵdarlamany ulttyq jobaǵa aınaldyrý jumystary júrgizilýde. 6 negizgi baǵyt anyqtaldy. Atap aıtsaq: birinshisi - sý dıplomatııasyn nyǵaıtý úshin memleketaralyq sý qatynastaryn jetildirý; ekinshisi - sý resýrstaryn tsıfrlandyrý,esepke alý jáne monıtorıngileý. Nátıjesinde júz 119 sý arnasynda tsıfrlandyrý jumystary júrgiziledi. Sonymen qatar, ózen aǵynynyń resýrstaryn aıqyndaýdyń aqparattyq júıesi qurylady», - dedi mınıstr.
Onyń aıtýynsha, úshinshi baǵyt sýdy únemdeýdi qamtıdy.Nátıjesinde zamanaýı sý únemdegish tehnologııalar qoldanylatyn sýarmaly jerdiń kólemi 221 myń gektardan tórt júz jıyrma myń 420 gektarǵa deıin ulǵaıady. Tórtinshi - ırrıgatsııalyq júıeler men qurylystardy qalpyna keltirý, jańa sý qoımalaryn salý. Nátıjesinde shamamen 2000) shaqyrym magıstraldyq arnalar rekonstrýktsııalanady. Odan bólek jalpy kólemi 885 mln tekshe metr bolatyn Jambyl, Batys Qazaqstan, Túrkistan, Almaty jáne Qyzylorda oblystarynda 8 jańa sý qoımasy salynady. Al 2025-2030 jyldar ishinde 31 sý qoımasy salynatyn bolady.
«Besinshisi - quqyqtyq bazany jańartý. Osy jumystyń aıasynda jańa redaktsııadaǵy Sý kodeksi ázirlenedi. Altynshysy - sý salasynyń mamandaryn qazirgi zamanǵy daǵdylarmen daıarlaý jáne ǵylymı qamtamasyz etý», - dedi Maǵzum Myrzaǵalıev.
