Bes oblysta ózenderdiń deńgeıi kóteriledi
ASTANA. QazAqparat - Qazaqstannyń bes oblysyndaǵy ózenderde sý deńgeıi kóteriledi, dep habarlaıdy QazAqparat QR ІІM TJK-nyń saıtyna silteme jasap.
Qazgıdromettiń habarlaýynsha, 3-4 sáýirde Aqmola jáne Soltústik Qazaqstan oblystarynyń ózenderinde temperatýranyń joǵarylaýyna, qardyń erýine, qarǵyn sýdyń aǵysyna (qardyń sýy) baılanysty sý deńgeıiniń kóterilýi jáne arnadan sýdyń jaıylyp ketýi saldarynan sý basyp qalý qaýpi boljanady.
3-4 sáýirde Pavlodar oblysynda aýa temperatýrasynyń joǵarylaýy, sonymen qatar Shúlbi sý qoımasynan jiberiletin sýdyń kóbeıýine baılanysty, sý deńgeıi kóterilip ózender arnasynan shyǵyp ketýi yqtımal.
2-4 sáýirde Qaraǵandy oblysynyń ózenderinde, aýa temperatýrasynyń joǵarylaýyna, qardyń erýi, jergilikti aǵynnyń qalyptasýyna baılanysty sý deńgeıiniń kóterilýi jáne jaıylmalyq aýdandardy sý basý qaýpi kútiledi.
2-4 sáýirde Shyǵys Qazaqstan oblysynyń ózenderinde kúnniń jylynýyna, qarǵyn sýdyń aǵynyna, seńniń arnalarda keptelýine baılanysty sý deńgeı kóterilýi, ózen sýynyń arnadan jaıylyp sý basyp qalýy qaýpi boljanyp otyr.
