Bes oblysta aýa raıyna baılanysty eskertý jarııalady
NUR-SULTAN. QazAqparat – Sınoptıkter qolaısyz aýa raıyna baılanysty 5 oblys aýmaǵynda eskertý jarııalady, dep habarlaıdy QazAqparat Qazgıdrometke silteme jasap.
13 qańtarda Batys Qazaqstan oblysynyń soltústik-batysynda kóktaıǵaq bolýy yqtımal. Oblystyń soltústiginde tuman túsýi múmkin.
Oral erteń túnde jáne tańerteń tuman túsedi.
13 qańtarda Qaraǵandy oblysynyń batysynda, soltústiginde, ońtústiginde jaıaý burqasyn soǵýy yqtımal. Túnde oblystyń shyǵysynda tuman túsýi múmkin.
Qaraǵandy qalasynda erteń kúndiz jaıaý burqasyn soǵýy múmkin.
13 qańtarda Qyzylorda oblysynyń soltústiginde jáne ortalyǵynda tuman túsedi, tańerteń jáne kúndiz oblystyń ońtústiginde kóktaıǵaq bolýy múmkin.
Erteń Qyzylorda qalasynda keı ýaqytta tuman túsedi.
13qańtarda Mańǵystaý oblysynyń batysynda jáne ortalyǵynda tuman túsýi yqtımal.
Erteń Aqtaýda túnde jáne tańerteń tuman túsýi múmkin.
13 qańtarda Aqmola oblysynyń ońtústik jartysynda jaıaý burqasyn soǵady. Oblystyń soltústiginde, ońtústiginde tuman túsýi múmkin. Soltústik-shyǵystan jel soǵady, kúndiz óńirdiń ońtústik jartysynda jeldiń jyldamdyǵy 15-20 m/s jetedi.
Erteń elordada keı ýaqyttarda jaıaý burqasyn soǵaly, túnde jáne tańerteń tuman túsýi yqtımal.
