Bes oblysta úsik júredi - Qazgıdromet

ASTANA. KAZINFORM – «Qazgıdromet» RMK-sy sáýirdiń 29-y kúngi kún raıy boljamyn jarııalady.

Kásiporynnyń boljamynsha, búgin Qazaqstannyń basym bóliginiń aýa-raıyna soltústik-batys tsıklony men atmosferalyq aǵyndar áser etedi. Sonyń saldarynan kóp jerde naızaǵaı oınap jańbyr jaýady, eldiń soltústiginde, soltústik batysynda jaýyn-shashyn (jańbyr, qar) bolady, eldiń batysynda, shyǵysynda jáne ońtústik shyǵysynda burshaq jaýady.

Tek elimizdiń batysynda ǵana kún jaýyn-shashynsyz bolady.

Respýblıka boıynsha jel kúsheıip, eldiń ońtústiginde, ońtústik shyǵysynda shańdy daýyl turady, respýblıkanyń soltústiginde, soltústik batysynda, ortalyǵynda túngi jáne tańerteńgi saǵattarda tuman túsedi.

Qostanaı oblysynyń batysynda, soltústiginde, Soltústik Qazaqstan oblysynyń batysynda, soltústiginde, ońtústiginde, Aqmola oblysynyń batysynda, soltústiginde, ortalyǵynda jyldiń jyldamdyǵy sekýndyna 30 metrge jetedi.

Batys Qazaqstan, Aqtóbe oblystarynyń batysynda, soltústiginde, Atyraý oblysynyń batysynda, Qostanaı oblysynyń batysynda, ońtústiginde, Mańǵystaý oblysynyń soltústiginde topyraq betinde 3 gradýsqa deıin úsik júredi.

Qyzylorda, Túrkistan oblystarynda, Mańǵystaý oblysynyń soltústik-shyǵysynda, shyǵysynda, Jambyl oblysynyń soltústiginde, batysynda, ońtústiginde, ortalyǵynda, Atyraý, Aqtóbe oblystarynyń ońtústiginde, Almaty, Jetisý oblystarynyń batysynda joǵary órt qaýpi kútiledi.

Osyǵan deıin Atyraý munaı óńdeý zaýytynyń qondyrǵysynan qara tútin býdaqtaǵany týraly jazdyq.