Bes oblysta aýa raıynyń qolaısyzdyǵyna baılanysty mektep oqýshylary onlaın oqytýǵa kóshti

ASTANA.KAZINFORM — Aıaz, kóktaıǵaq jáne boran bolǵandyqtan Qazaqstannyń birneshe óńirinde sabaq qashyqtan oqytý formatyna aýystyryldy.

Astanada aýa raıynyń nasharlaýyna baılanysty 22 qańtarda ekinshi aýysymdaǵy 0-9 synyp oqýshylary qashyqtan oqytýǵa kóshedi.

Sondaı-aq Qostanaı oblysyndaǵy aıazǵa baılanysty mektep oqýshylary onlaın oqıdy. Uzynkól aýdanynda 2 aýysymdaǵy 3-4 synyptar qashyqtan oqytýǵa aýystyryldy (Ershov OM, Ýbaǵan orta mektebi, Uzynkól № 1 orta mektebi, Q. Dónenbaev orta mektebi). Meńdiqara aýdanynda aıaz ben jeldiń saldarynan 2 aýysymdaǵy 0-6 synyp oqýshylary onlaın oqytý formatyna kóshirildi (A.Chýtaev atyndaǵy BShG, Birinshi Maı OM, N. S. Ivanovskaıa OM, Stepanov OM). Jel men kóktaıǵaq saldarynan Amangeldi jáne Qarasý aýdandarynda mektep oqýshylarynyń kezekti sabaqtary toqtatyldy.

Óskemende kóktaıǵaq pen jel saldarynan ekinshi aýysymdaǵy 0-11 synyp oqýshylary qashyqtan oqytýǵa kóshti.

Pavlodarda 22 qańtarda mektep jasyna deıingi ekinshi aýysymdaǵy 1-9 synyp oqýshylary da qashyqtan oqytýǵa kóshedi.

Kókshetaý qalasyndaǵy 1-4 synyp oqýshylary da aýa temperatýrasynyń tómendeýine baılanysty úıden oqýǵa májbúr boldy.

Buǵan deıin aýa raıynyń qolaısyzdyǵyna baılanysty Qazaqstan Respýblıkasynyń 13 oblysynda tas joldar jabylǵan bolatyn.

Sınoptıkterdiń málimetinshe, aldaǵy kúnderi Qazaqstanda 40 gradýs aıaz bolýy múmkin.

Buǵan deıin habarlanǵandaı, elimizdiń ońtústiginde boran soǵyp, kún aıazdaıdy.