Bes mınýtta jumysqa turý: Endi eńbek shartyn onlaın rásimdeýge bolady

ASTANA. KAZINFORM — Qazaqstanda eńbek sharttaryn qashyqtan jasaý tetigi engizildi. Tsıfrlyq damý, ınnovatsııalar jáne aeroǵarysh ónerkásibi birinshi vıtse-mınıstri Qanysh Tóleýshın jumyspen qamtý salasyndaǵy tsıfrlyq sheshimder týraly aıtyp berdi.

Onyń aıtýynsha, buryn jumysqa ornalasý protsesinde áńgimelesý úshin jumys berýshige mindetti túrde jeke barý, qaǵaz qujattardyń tolyq paketin usyný jáne qaǵaz túrinde eńbek shartyna qol qoıý talap etiletin.

— Búgingi tańda memlekettik aqparattyq júıelermen ıntegratsııa arqyly qajetti qujattardyń 90%-dan astamy avtomatty elektrondy túrde qalyptastyrylady jáne tartylady. Eńbek sharty elektrondy tsıfrlyq qoltańbany qoldaný arqyly qashyqtan jasalady, jeke barý qajettiligin boldyrmaıdy, — dep túsindirdi Qanysh Tóleýshın búgingi Úkimet otyrysynda.

Bul jańalyq 9,5 mıllıonnan astam eńbekke qabiletti adamdy qamtıdy jáne qyzmet kórsetýge ketetin ýaqytty 3 kúnnen 5 mınýtqa deıin qysqartty.

Aıta keteıik, elimizde zeınetaqy da avtomatty túrde taǵaıyndalatyn boldy.

Jumyssyzdyq mártebesi avtomatty túrde anyqtalyp, proaktıvti túrde bos jumys oryndary usynylady.