Bes mınıstrlik esep beredi - Murat Jumanbaı

ASTANA. QazAqparat - Ortalyq kommýnıkatsııalar qyzmetiniń resmı ókili Murat Jumanbaıdyń aıtýynsha, aǵymdaǵy aptada bes birdeı mınıstrlik ótken jyly atqarylǵan jumystar boıynsha esep berip, aǵymdaǵy jyldyń josparlaryn jarııalaıdy, dep habarlaıdy QazAqparat tilshisi.

"Atap aıtqanda, búgin, aqpannyń 20-sy kúni QR Investıtsııalar jáne damý mınıstrligi, 21 aqpanda QR Eńbek jáne xalyqty áleýmettik qorǵaý mınıstrligi, 23 aqpanda QR Ulttyq ekonomıka mınıstrligi men QR Qarjy mınıstrligi, al 24 aqpanda QR Bilim jáne ǵylym mınıstrligi keńeıtilgen alqa otyrystaryn ótkizedi", - deıdi Jumanbaı.

Onyń aıtýynsha, barlyq otyrystarda birinshi basshylar baıandama jasaıdy.

Aıta keteıik, búgingi brıfıngte Murat Jumanbaı Jambyl oblysyndaǵy qaıǵyly oqıǵaǵa baılanysty qurylǵan tergeý komıssııasynyń quramyn jarııalady .  Búginnen bastap Ortalyq kommýnıkatsııalar qyzmetindegi aptalyq brıfıngter jańa formatta ótetin boldy .