Bes memleket Gazadaǵy turaqtandyrý kúshterine ásker jiberedi
ASTANA. KAZINFORM — Gazadaǵy Halyqaralyq turaqtandyrý kúshterin (ISF) basqarýshy general-maıor Djasper Djeffers 19 aqpan, beısenbi kúni bes memleket óz áskerin jańa qaýipsizdik qurylymyna baǵyttaıtynyn habarlady, dep jazady Anadoly.
Djeffers Vashıngtondaǵy Beıbitshilik keńesiniń alǵashqy otyrysynda sóılep, Indonezııa, Marokko, Qazaqstan, Kosovo jáne Albanııa ásker jiberetinin, al Mysyr men Iordanııa polıtsııa kúshterin oqytatynyn aıtty.
Sonymen qatar, Indonezııa kúshterdiń orynbasary qyzmetin atqaratyny jarııalandy.
— Bul alǵashqy qadamdar arqyly biz Gazadaǵy qaýipsizdikti qamtamasyz etip, bolashaqtaǵy órkendeý men turaqty beıbitshilikke jol ashamyz, — dedi general.
Eske salsaq, Prezıdent Qasym-Jomart Toqaev Beıbitshilik keńesiniń alǵashqy otyrysyna qatysyp, sóz sóıledi.
Prezıdent elimiz Gaza sektoryndaǵy ahýaldy turaqtandyryp, aımaqty qalpyna keltirý jumystaryna atsalysýǵa daıyn ekenin jetkizdi.
Sondaı-aq, Beıbitshilik keńesi barysynda Gazanyń damýy men ınfraqurylymyn qalpyna keltirý jospary tanystyryldy.