Bes qyrǵyz azamaty Bashqurtstanda jol apatynan qaza tapty
ASTANA. QazAqparat - Bes qyrǵyzstandyq azamat Bashqurtstandaǵy jol-kólik apatynan ajal qushty. Bul týraly beısenbi kúni Reseıdegi áriptesterine silteme jasaǵan QR TJM habarlady.
Vedomstvonyń málimetterinshe, jol apaty búgin shamamen saǵat 1:00-de M-5 Oral kúre jolynda, Oktıabrskıı qalasyna jaqyn jerde oryn alǵan. Gazel shaǵyn avtobýsynyń joldyń qarsy jolaǵyna shyǵyp ketip, Volvo markaly júk kóligimen soqtyǵysqan.
Jol-kólik apatynyń saldarynan jeti adam zardap shekken, olardyń beseýi qaza taýyp, taǵy eki adam aýrýhanaǵa jetkizildi. Olardyń jaǵdaıy aýyr, dep habarlaıdy KırTAG.
