Bes qazaqstandyq joıǵysh ushaq Qytaıdyń Inchýan áýejaıyna apattyq jaǵdaıda qondy
ASTANA. QazAqparat - Bes qazaqstandyq joıǵysh ushaq Qytaıdyń Nınsıa-Hýeısk avtonomdy ólkesiniń soltústik-batys bóligindegi áýejaıǵa apattyq jaǵdaıda qondy, dep habarlady www.scmp.com.
Oqıǵa demalys kúnderi, Sý-27 ushaqtarynyń biriniń ekıpajy mehanıkalyq olqylyq jaıynda habarlaǵan soń oryn aldy.
Áskerı ushaqtar Іshki Mońǵol provıntsııada ótken halyqaralyq lańkestikke qarsy oqý-jattyǵýlardan oralǵan. Alaıda Inchýan Hedý halyqaralyq áýejaıynda qonýǵa májbúr boldy, dep habarlady sheteldik BAQ.
Áýejaıǵa qonǵan ózgeleri - Tý-134, An-72 jáne eki Sý-27 ushaqtary. Inchýan áýejaıyna qoný jónindegi sheshim tótenshe jaǵdaılar oryn alǵan kezdi eskerip jasalǵan josparǵa sáıkes qabyldandy.
Senbi kúni Inchýan áýejaıy jabylýǵa májbúr boldy. Bul reısterdiń keshigýi men olardyń keıinge qaldyrylýyn soqtyrdy. Internette taraǵan sýrettegi - áýejaıdyń ushý alańyndaǵy úsh Sý-27 joıǵysh ushaǵy.
