Bes qazaqstandyq sportshy KWU kıokýshınkaıdan ÁCh fınalyna ótti
NUR-SULTAN. QazAqparat – Búgin elordadaǵy «Jekpe-jek» saraıynda KWU kıokýshınkaıdan erler jáne áıelder arasynda salmaq dárejeleri boıynsha álem chempıonatyny bastaldy, dep habarlaıdy Sport jáne dene shynyqtyrý isteri komıtetiniń baspasóz qyzmeti.
Álem chempıonaty 15 salmaq dárejesi boıynsha ótýde. Erler toǵyz (60, 65, 70, 75, 80, 85, 90, 95 jáne 95 kg joǵary) jáne áıelder alty salmaqta (50, 55, 60, 65, 70 jáne 70kg joǵary) baq synaýda.
Jalpy, álemniń 54 elinen 301 sportshy qatysýda. Búgin jartylaı fınal men shırek fınaldyq kezdesýler uıymdastyryldy.
Fınaldyq kezdesýge: erler arasynda 70 kelige deıingi salmaq dárejesinde Erkebulan Beısembaev, 85 kelige deıingi salmaqta Vladımır Artıýshın, áıelder arasynda 50 kelige deıingi salmaqta Ýstıýgova Lıýdmıla, 60 kelige deıingi salmaqta Ekaterına Gýrova, 70 kelige deıingi salmaqta fınalǵa Alemgýl Sabyrhan ótti.
On sportshy: 60 kelige deıingi salmaqta Temirlan Jánibek, 75 kelige deıingi salmaqta Kovalenko Artýr, Sádýaqasov Nurlyhan, 95 kelige deıingi salmaqta Garas Nıkıta, 90 kelige deıingi salmaqta Súıinov Mereı; áıelder arasynda 55 kg deıingi salmaqta fınalǵa Ioanna Belyh, 60 kg deıingi salmaqta Elızaveta Lıpova, 65 kg deıin Toǵyzbaeva Elnara, 70 keliden joǵary Jaqsybaeva Ajar jáne Bochına Lıdııa qola júldeger atandy.
Fınaldyq kezdesýler erteń «Jekpe-Jek» saraıynda ótedi.
Chempıonattyń uıymdastyrýshylary – Qazaqstannyń jaýyngerlik óner qaýymdastyǵy, Kyokushin World Union Halyqaralyq qaýymdastyǵy. Álem chempıonaty Qazaqstanda ótip jatqandyqtan ulttyq qurama eki qurammen óner kórsetýde.
