Bes qazaqstandyq boksshy WBA reıtınginiń úzdik on bestiginiń qataryna endi
ASTANA. QazAqparat - WBA 15 salmaq dárejesi boıynsha jańa reıtıngin jarııalady, oǵan bes qazaqstandyq bylǵary qolǵap sheberleri endi, dep jazady sports.kz.
WBA nusqasy boıynsha Álem chempıondary qatarynda qazirgi sátte qazaqstandyq Beıbit Shúmenov (79,3 kg), Gennadıı Golovkın (72,5 kg) bar. Al 13 naýryz kúngi jańartylǵan nusqasynda taǵy úsh qazaqstandyq kelesi pozıtsııalarǵa ıe boldy: Dmıtrıı Sartıson -76,2 kg salmaq dárejesinde segizinshi sanatta, Qanat Islam - 69,8 kg salmaq boıynsha on birinshi orynda jáne Roman Jaılaýov - 66,68 kg salmaq dárejesi boıynsha on besinshi orynda.
WBA osy aıdyń úzdik boksshysy retinde ońtústikafrıkalyq Hekkı Badlerdi tanydy.
Aıta keteıik, ol 1 naýryz kúni 47,6 kg salmaq dárejesinde kolýmbııalyq Karlýıs Dıasty birinshi raýndta nokaýtpen jeńip, álem chempıony tıtýlyn jeńip alǵan bolatyn.
