Bes qazaqstandyq boksshy World Boxing reıtınginde kósh basyndaǵy oryndaryn saqtap qaldy
ASTANA. KAZINFORM — World Boxing halyqaralyq uıymy áýesqoı boksshylardyń jańartylǵan álemdik reıtıngin jarııalady. Bul týraly UOK habarlady.
Jańartylǵan reıtıngte qazaqstandyq bylǵary qolǵap sheberleri birneshe salmaq dárejesinde kósh basyndaǵy oryndaryn saqtap qaldy.
Sanjar Táshkenbaı (50 kelige deıin), Mahmud Sabyrhan (55 kelige deıin), Tórehan Sabyrhan (70 kelige deıin), Aıbek Oralbaı (90 keliden joǵary), Natalıa Bogdanova (70 kelige deıin) reıtıngtiń birinshi satysynda tur.
Ekinshi orynǵa Nazym Qyzaıbaı (48 kelige deıin), Aıda Ábikeeva (65 kelige deıin) jáne Nurbek Oralbaı (80 kelige deıin) jaıǵasty.
Al úzdik úshtikti Alýa Balqybekova (51 kelige deıin), Nadejda Rıabets (80 kelige deıin), Dına Islambekova (80 keliden joǵary), Orazbek Asylqulov (60 kelige deıin), Sabyrjan Aqqalyqov (75 kelige deıin) jáne Nurbek Oralbaı (85 kelige deıin) túıindedi.
Aıta keteıik, 15-21 maýsym aralyǵynda Gýııan qalasynda (Qytaı) bokstan Álem kýbogynyń ekinshi kezeńi ótedi.
Aıta ketelik Qazaqstan áıelder quramasy sapynda bokstan álem kýbogyna kimder qatysatyny týraly jazǵan edik.
