Bes qalada zańsyz oıyn bıznesimen aınalysyp, 800 mln teńge tabys tapqan top ustaldy
NUR-SULTAN. QazAqparat – Qazaqstannyń 5 qalasynda zańsyz oıyn bıznesin uıymdastyrýmen aınalysqan uıymdasqan qylmystyq toptyń áreketteri áshkerelendi. Bul týraly QazAqparat Qarjy monıtorıngi komıtetine silteme jasap habarlaıdy.
QR QM Qarjy monıtorıngi komıtetiniń Ekonomıkalyq tergeý qyzmeti Qazaqstan Respýblıkasynyń aýmaǵynda (Almaty, Shymkent, Qaraǵandy, Taraz jáne Qyzylorda) zańsyz oıyn bıznesin uıymdastyrýmen aınalysqan uıymdasqan qylmystyq toptyń áreketterin áshkereledi.
Qylmystyq isti tergeý aıaqtaldy. Kúdiktiler (7 adam, onyń ishinde bireýi Germanııa azamaty) QR QK-niń 262-b. 1,2-bóligi, 307-b. 3-b. 1,2-tarmaqtary, 218-b. 3-b. 3-t., 422-b. 4-b. boıynsha sotqa jiberildi.
Kúdiktilerdiń qylmystyq áreketiniń tabys mólsheri 800 mln teńgeden asady.
Qylmystyq is Qyzylorda qalasy №2 sotynyń basty talqylaýynda qaralýda.
