Bes qalada aýa sapasy nasharlaıdy

ASTANA. QazAqparat – 10 naýryz kúni Qazaqstan aýmaǵynyń basym bóliginde qolaıly meteorologııalyq jaǵdaı saqtalady, dep habarlaıdy QazAqparat.

Tek Astana, Almaty, Shymkent, Qaraǵandy jáne Temirtaý qalalarynda qolaısyz meteorologııalyq jaǵdaılar kútiledi.

Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.