Bes qalada aýa lastanyp, qolaısyz meteorologııalyq jaǵdaı bolýy múmkin – Qazgıdromet

ASTANA. KAZINFORM - «Qazgıdromet» RMK elimizdegi meteorologııalyq jaǵdaıǵa boljamyn jarııalady.

Sınoptıkterdiń boljamy boıynsha 6 qazanda Pavlodar, Óskemen, Atyraý, Aqtóbe, túnde Qostanaı qalalarynda aýanyń lastanyp, qolaısyz meteorologııalyq jaǵdaı bolýy múmkin.

Qolaısyz meteorologııalyq jaǵdaılar - atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.