Bes qabatty úı opyryla qulap úsh adam qaza tapty, 9-y jaraqattandy
ASTANA. QazAqparat - Beısenbide mysyrlyq El-Mansýra qalasynda bes qabatty turǵyn úı opyryla qulap úsh adam qaza tapty, taǵy toǵyz adam jaraqat aldy, dep habarlady medıtsınalyq derekkózderge silteme jasap "Youm7" basylymy.
Basylym qulaǵan úı kópten beri apatty jaǵdaıda turǵanyn atap ótedi. Úıindi astynda qaza bolǵandardyń ishinde - jeti jasar qyz da bar.
El-Mansýra Kaırden soltústik-shyǵysqa qaraı 120 shaqyrym jerde ornalasqan.
Statıstıkalyq derekterge sáıkes Mysyrda turǵyndar úshin qaýip týdyratyn 2 mln jýyq úı bar. Memlekettik qyzmetter zańsyz salynǵan qurylystardy súrý týraly 100 myńnan astam qaýly shyǵardy. Alaıda olardyń basym bóligi oryndalǵan joq.
