Bes eldiń barlaý toptary «Altyn úki - 2015» saıysynyń eń kúrdeli belsendi fazasyna kóshti (FOTO)
Bul - barlyq jarystyń eń kúrdeli kezeńderiniń biri. Onyń sharyqtaý shegi ár jaýyngerdiń jeke jaýyngerlik daıarlyǵy men jalpy toptardyń komandalyq jumysyn tekseredi. Jaýyngerler 43 jerústi, sý jáne taýly kedergilerden turatyn barlaýshy soqpaǵyn ótýden saıysqa tústi. Ony ótý arnaıy is-sharalar (shartty qarsylastyń artqy jaǵyna bólimsheniń desanttaýy, jaýyngerlik tapsyrmalardy oryndaý) keshenin qamtıdy. Mundaǵy eń kúrdeli elementterdiń biri 25 metrlik «qolmen asylyp júrý», sý kedergisi jáne mınalyq alańnan ótý bolyp tabylady. Belsendi fazada saıysqa qatysýshylarǵa qoıylǵan tapsyrmalar aldyńǵy tapsyrmalarǵa qaraǵanda kúrdelirek bolǵanymen ár komanda jaqsy nátıje kórsetti. Qazaqstan, Qytaı jáne Belorýssııadan jınalǵan toptar aıryqsha kózge tústi. Erteń 10 shaqyrymdyq júgirýdiń sońǵy kezeńi ótedi. Qatysýshylardy qaıyqtarda sý kedergilerin buzyp ótý, komanda quramynda kóliktik quraldy súıreý jáne almasa otyryp oq atý kútip tur. «Alty úki - 2015» arnaıy maqsattaǵy barlaý toptarynyń aýqymdy halyqaralyq jarysy bıylǵy jyly segizinshi márte ótip jatqanyn eske sala keteıik. Oǵan Qazaqstan, Reseı, Belarýs, Qytaı jáne AQSh Qarýly Kúshteriniń áskerı qyzmetshileri qatysady. Bizdiń áskerı qyzmetshilerdiń mol tájirıbesi bar jáne kez kelgen sátte barlyq kezeńderdi senimdi túrde eńsere otyryp, joǵary jaýyngerlik ázirlikti kórsetedi.