Bes dúrkin Olımpıada chempıony Teddı Rıner qazaqstandyqtarǵa sálem joldady

PARIJ. KAZINFORM – Bes dúrkin Olımpıada chempıony Teddı Rıner Qazaqstan halqyna rızashylyǵyn bildirdi. 

Tanymal sportshy Parıjdegi Olımpıada qarsańynda elimizge eki ret kelip, 2023-2024 jyldary Almatydaǵy dzıýdo akademııasynda Qazaqstan quramasymen birge jattyǵý ótkizgen bolatyn.

Óz kezeginde dzıýdo áleminiń ańyzy Qazaqstandaǵy kezin saǵynyshpen eske alyp, otandastarymyzǵa alǵysyn jetkizdi.  

«Qazaqstandyqtarǵa jalyndy sálem. Federatsııa ókilderiniń shaqyrtýymen men bul elge eki ret bardym, jattyqtym. Ár jattyǵý ózinshe erekshe boldy. Sóz sońynda Qazaqstan halqyna alǵysymdy aıtqym keledi», - dedi Rınner. 

Eske sala keteıik, buǵan deıin Olımpıada oıyndarynda qazaqstandyq boksshy Nurbek Oralbaıdyń fınalǵa joldama alǵanyn jazǵan edik.