Bes dúrkin olımpıada chempıony realtı-shoý túsiriliminde aıaǵyn syndyryp aldy
ASTANA.QazAqparat - Velosport boıynsha bes dúrkin olımpıada chempıony brıtandyq Bredlı Ýıggıns televızııalyq The Jump realtı-shoýy túsirilimi kezinde aıaǵyn syndyryp aldy. Bul týraly BBC News habarlady.
«Alty aptaǵa deıin demalýǵa týra keledi. Ota jasamaıtyny jaqsy jańalyq boldy. Qorqatyndaı eshteńe bolǵan joq, alaıda jaraqat odan ári shoýǵa qatysýyma múmkindik bermeıdi», - deıdi sportshy.
The Jump - brıtandyq telearna shoýy. Onyń aıasynda tanymal adamdar qysqy sport túrlerinen óziniń múmkindigin synap kóredi. Ýıggıns taýdan shańǵy tebý ýaqytynda jaraqat aldy.
Ýıggıns 2016 jyly jeltoqsanda mansabyn aıaqtaıtynyn habarlaǵan. Ol trekte velo jarystarda 4 olımpıadalyq altyn jáne tas joldaǵy jarysta joǵary jetistigi úshin bir altyn enshilegen.
