Bes balanyń ómirin jalmaǵan órt neden shyqty
ASTANA. QazAqparat - QR Іshki ister vıtse-mınıstri ıÝrıı Ilın bes qyzdyń ómirin qıyp ketken qaıǵyly oqıǵanyń aldyn ala sebebin jarııalady, dep xabarlaıdy QazAqparat tilshisi.
Onyń aıtýynsha, órt shyqqan qurylys nysany ýaqytsha turýǵa arnalǵan. Ol jerde týra sondaı birneshe nysandar bar. Iesi - qaıtys bolǵan balalardyń anasynyń úlken apasy.
«Aldyn ala qorytyndyǵa sáıkes, balalar ıis tıip, qaıtys bolǵan. Bul degenimiz, úıdiń tóbesi opyrylyp qulaǵanda barlyǵy es-tússiz jatqan», - dedi ıÝ.Ilın jýrnalısterge bergen suxbatynda.
Vıtse-mınıstrdiń sózine qaraǵanda, qaıǵyly jaǵdaıǵa tap bolǵan otbasynyń týystary jarty saǵat buryn balalardy kórip ketken. Pesh te durys istep turdy. Al túngi saǵat 2:34 kórshiler órt sóndirý qyzmetine xabar bergen.
«Órt neden shyqty? Dalaǵa shyǵatyn murjanyń asbest qaptasy bolmaǵan. Sodan aǵash shatyr órttendi. Qazir arnaıy zertxana jumys istep jatyr. Sonyń qorytyndysy boıynsha naqty sebepter belgili bolady», - dep atap kórsetti ıÝ.Ilın.
Aıta keteıik, 4 aqpan kúni túnde elordanyń Saryarqa aýdanyndaǵy Kóktal-1 turǵyn alabynda órt shyqty. Órtti sóndirý barysynda 2006, 2008, 2014, 2016, 2018 jyly dúnıege kelgen 5 balanyń denesi tabyldy. Eń kishisi nebári 11 aılyq sábı edi.
Órt kezinde bes balanyń ata-anasy túngi jumysta bolǵan.
Úıdiń otaǵasyn túngi ýaqytta jumys berýshisi shaqyryp alǵan.
