Bes aıdyń qorytyndysy boıynsha ınflıatsııa 4,5 paıyzdy qurady - E. Dosaev
ASTANA. QazAqparat - Ulttyq valıýta baǵamyn túzetýden keıin ınflıatsııalyq protsesterdi josparlanǵan dálizde ustap turý úshin sharalar qabyldandy. Osyǵan oraı, aǵymdaǵy jylǵy 5 aıdyń qorytyndysy boıynsha ınflıatsııa 4,5 paıyzdy qurap otyr. Bul týraly búgin Úkimet otyrysynyń qorytyndylaryna arnalǵan brıfıngte Ekonomıka jáne bıýdjettik josparlaý mınıstri Erbolat Dosaev málim etti.
Eske sala keteıik, Memleket basshysynyń tapsyrmasy boıynsha eldiń ornyqty damýyn qamtamasyz etý úshin aǵymdaǵy jylǵy sáýirde Úkimet Áleýmettik-ekonomıkalyq saıasattyń 2014 jylǵa arnalǵan birinshi kezektegi sharalarynyń jol kartasyn qabyldaǵan bolatyn. Mınıstrdiń aıtýynsha, Jol kartasy 10 baǵyt boıynsha 67 is-sharadan turady. Búgingi kúni 38 is-shara oryndaldy. «Jol kartasyn oryndaýdyń negizgi nátıjelerine kelsek, eń aldymen makroekonomıkalyq turaqtylyqty qamtamasyz etý boıynsha jumystar atqaryldy. Osyǵan oraı, Ulttyq valıýtanyń baǵamyn túzetýden keıin ınflıatsııalyq protsesterdi josparlanǵan dálizde ustap turý úshin sharalar qabyldandy. Nátıjesinde aǵymdaǵy jyldyń 5 aıynyń qorytyndysy boıynsha ınflıatsııa 4,5 paıyzdy qurady. Sonymen qatar, biz jyldyń qorytyndyda josparlanǵan 6-8 paıyzdyq dálizde ınflıatsııany ustap tura alamyz dep boljap otyrmyz», - dedi E. Dosaev. Budan bólek, azyq-túlik taýarlarynyń tapshylyǵyna jol bermeý úshin jergilikti atqarýshy organdarǵa azyq-túlik taýarlarynyń óńirlik turaqtandyrý qorlaryn qalyptastyrý jáne paıdalanýǵa barynsha derbestik berilgen
