Bes aıdyń ishinde mektep oqýshylary 173 altyn medal ıelendi - BǴM
ASTANA. 12 maýsym. QazAqparat - 2013 jylǵy bes aıdyń ishinde Qazaqstannyń mektep oqýshylary san alýan halyqaralyq olımpıadalar men ǵylymı jarystarda 835 medaldy enshiledi. Bul týraly búgingi baspasóz máslıhatynda QR Bilim jáne ǵylym mınıstrliginiń jaýapty hatshysy Álııa Ǵalymova málim etti.
Onyń habarlaýynsha, onyń ishinde 173 altyn, 268 kúmis jáne 394 qola medal bar. Sondaı-aq 470 myń oqýshy respýblıkalyq jáne halyqaralyq olımpıadalar men ǵylymı jobalar baıqaýlaryna qatysty. Olardyń 1 748-i júldeli oryndar men I-III dárejeli dıplomdarmen marapattaldy.
