Bes aıda Qazaqstan joldarynda 225 adam qaza tapty
ASTANA. QazAqparat - 2018 jyldyń 5 aıynda Qazaqstanda jol-kólik oqıǵalary saldarynan 225 adam kóz jumdy. Bul týraly QR ІІM resmı ókili Almas Sadýbaev brıfıngte málim etti, dep habarlaıdy QazAqparat tilshisi.
«Bıylǵy 5 aıda jaıaý júrginshilerge qatysty 2 418 jol-kólik oqıǵasy tirkelgen. 225 adam qaza taýyp, 2 340 adam jaraqat aldy. Ótken jyldyń sáıkes kezeńimen salystyrǵanda, JKO men jaraqat alǵandar sany 7,9 paıyzǵa tómendedi», - dedi Almas Sadýbaev.
Sonymen qatar ol mınıstrlik múddeli organdarmen birlese jol ústindegi qaýipsizdik aıasynda tıisti jaǵdaı jasaý úshin keshendi jumystardy iske asyryp jatqanyn atap ótti.
