Bes aıda el ekonomıkasy 4,5 paıyzǵa ósti – Álibek Qýantyrov

ASTANA. QazAqparat – Osy jyldyń qańtar-mamyrynda el ekonomıkasy 4,5 paıyzǵa ósti. Bul týraly Úkimet otyrysynda Ulttyq ekonomıka mınıstri Álibek Qýantyrov aıtty, dep habarlaıdy QazAqparat tilshisi.

«Ulttyq statıstıka bıýrosynyń aqparatyna sáıkes, bıyl ótken jyldyń qańtar-mamyrymen salystyrǵanda Qazaqstan ekonomıkasy 4,5 paıyzǵa ósti. Onyń ishinde naqty sektordaǵy ósim – 3,6, al qyzmet kórsetý salasynda 4,9 paıyzdy qurady. Negizgi salalardyń barlyǵynda oń dınamıka baıqalýda, ásirese qurylys, saýda, sondaı-aq aqparat jáne baılanys eń joǵary ósimdi kórsetti. Negizgi kapıtalǵa salynǵan ınvestıtsııalardyń ósý qarqyny 17,2 paıyzdy qurady», – dedi mınıstr.

Onyń dereginshe, ınvestıtsııalar aǵyny kólik jáne qoımalaýda – 56,1, aýyl sharýashylyǵynda – 30,8, jyljymaıtyn múlikke qatysty operatsııalarda – 3, sondaı-aq ónerkásipte – 15,7, onyń ishinde taý-ken óndirý ónerkásibinde – 13,4 jáne óńdeý ónerkásibinde 2,8 paıyzǵa artty.

«Óńirler arasynda eń joǵarǵy ósim Túrkistan, Mańǵystaý, Qyzylorda jáne Qostanaı oblystarynda baıqaldy», – dedi Álibek Qýantyrov.