Bes aı buryn joǵalǵan ekibastuzdyqtyń denesi sý kanalynan tabyldy

EKІBASTUZ. QazAqparat – Ekibastuz qalasynda 5 aıdan astam ýaqyt buryn iz-túzsiz joǵalǵan 35 jastaǵy er adamnyń denesi tabyldy, dep habarlaıdy QazAqparat Rolisia.kz-ke silteme jasap.

«2 sáýir saǵat 17.20 shamasynda «Soıýz» saıajaı qoǵamy janyndaǵy temirjol kópiriniń astynda, Q.Sátbaev atyndaǵy kanaldan 2022 jyly 13 qazanda joǵalyp ketken 1988 jyly týǵan qala turǵynynyń denesi tabyldy. Zorlyq-zombylyq belgileri joq.

Oqıǵa ornynan smart-saǵat pen joǵalǵan adamnyń atyna ashylǵan Kaspi Gold kartochkasy tabyldy. Máıitti ákesi tanydy», - delingen málimette.
Sot-medıtsınalyq saraptama taǵaıyndaldy. Onyń nátıjesi boıynsha protsesstik sheshim qabyldanatyn bolady. Oqıǵanyń mán-jaıy anyqtalyp jatyr.