Bes almatylyq shetelden bezgek pen tyrysqaq juqtyryp kelgen
ALMATY. QazAqparat - Almatyda byltyr 5 adam shetelden bezgek pen tyrysqaq juqtyryp kelgen. Aımaqtaǵy epıdemıologııalyq ahýal týraly qalalyq Qoǵamdyq densaýlyqty qorǵaý departamentiniń mamandary QazAqparat tilshisine aıtyp berdi.
«Byltyr Almatyda epıdemıologııalyq ahýal turaqty boldy. Biraq syrttan vırýs juqtyryp kelý jaǵdaılary tirkeldi. Úndistannan 5 adam tyrysqaq juqtyryp kelgen. Taǵy 1 adam Shyǵys Afrıkanyń Tanzanııa elinen bezgek aýrýyn alyp keldi», - dedi departament basshysy Aızat Moldaqasymova.
Onyń aıtýynsha, naýqastar elge oralǵannan keıin birden sanepıdemıologtar qajetti sharalar jasaǵan.
«Der kezinde zararsyzdandyrýdyń nátıjesinde bezgek pen tyrysqaqtyń taralý oqıǵasy bolmady», - dedi ol.
