Bes adamdy Norvegııadaǵy jumysqa ornalastyrmaq bolǵan alaıaq ustaldy
KÓKShETAÝ. QazAqparat - Norvegııaǵa jumysqa ornalaspaq bolǵan úsh oblys turǵynynyń qomaqty aqshasyn jymqyrǵan kókshetaýlyq áıel ustaldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimeti boıynsha, áıel adam zardap shegýshilerdi «Norvegııanyń zaýyt jáne fabrıkalaryna alty aıdan bir jylǵa deıingi merzimge jumysqa ornalasýǵa kómektesemin» dep sendirgen. Ol bul týraly ǵalamtorda jarnama ornalastyrǵan. Oǵan 5 adam aldanyp qalǵan.
«Kúdikti zardap shegýshilermen kelisimshart jasasqannan keıin aqshany qolma-qol alǵan jáne óziniń bank kartasyna aýdartqyzǵan. Sol úshin tólem qaǵazynyń kóshirmesin talap etken.
Máselen, Nur-Sultan qalasynyń 38 jáne 52 jastaǵy turǵyndary (áıelder) 430 myń jáne 300 myń teńge aqsha tóledi. Al Soltústik Qazaqstan oblysy Taıynsha aýdanynyń turǵyny 41 jastaǵy áıel shetelge jumysqa ornalasýy úshin 400 myń teńge berdi. Sonymen qatar, alaıaq zerendilik 24 jastaǵy kelinshektiń 300 myń teńgesin ıemdengen»,- deıdi Aqmola oblystyq PD baspasóz qyzmetindegiler.
Vedomstvodan atap ótkendeı, jedel-izdestirý sharasy barysynda Kókshetaý qalasynyń turǵyny 33 jastaǵy kelinshek ustaldy, QR QK-niń 190-baby 3-bóligi boıynsha sotqa deıingi tergeý júrgizilip jatyr.
